Ditën e Enjte Volvo doli me një deklaratë të bujshme kur tha se shpreson që 2/3 e makinave të saj të shitura në mesin e dekadës së ardhshme të jenë me sistem vetëdrejtimi.
Një tjetër objektiv madhor i kompanisë është konvertimi i gjysmës së modeleve që ka sot në treg në makina elektrike.
Vitin e kaluar prodhuesi ikonik Suedez bëri publike objektivat për të prodhuar çdo makinë pas 2019-ës si model hibrid ose plotësisht elektrike.
Megjithatë ende nuk ka prezantuar një makinë plotësisht elektrike por ofron versione hibride të XC90, S90, XC60 dhe së shpejti V60.
Në shënjestrën e Volvo janë edhe ato kompani të cilat kërkojnë makina me sistem vetëdrejtimi si Uber. Dy kompanitë kanë bashkëpunuar në një model XC90 me sistem vetëdrejtimi.
Në 2017-ën Volvo ka shitur 571,000 makina. /Auto Ekspress
