Volvo është i hapur për fillimin e prodhimit të modeleve më të vogla se sa seritë-40, ka shpallur shefi i kompanisë.
Marka suedeze ka qenë e fokusuar në plotësimin e linjës së modeleve të rangut 40,60 dhe 90.
SUV-i XC40 për momentin është makina më e vogël. Por variantet hatchback dhe saloon me shumë mundësi do ti bashkohen platformës më kompakte të kompanisë, Compact Modular Architecture.
Burimet e Volvo kanë mohuar në mënyrë konsistente që firma mund të fillojë prodhimin e modeleve më të vogla se sa XC40, për të rivalizuar Audi A1 dhe Q2, madje edhe MINI.
Megjithatë, duke folur për Financial Times, shefi ekzekutiv i Volvo Hakan Samuelsson pranoi se ndryshimi i pamjes së konsumatorëve në çmimin e makinave më të vogla, mund ta bëjë të mundur një lëvizje të tillë.
Samuelsson deklaroi gjithashtu se me mbërritjen e makinave tërësisht elektrike në skemën e kompanisë, Volvo mund të konsiderojë ofrimin e infrastrukturës së karikimit si pjesë e Care by Volvo.
Nëse firma vendos të lançojë një sub-40-series, atëherë ekzistojnë mundësitë që të vijë në version tërësisht elektrik. /Auto Ekspress
