Sebastian Vettel do të jetë në krye të linjës së parë të nisjes së garës ditën e Dielë në Bahrein ndërsa rivali i tij për titull do të startojë vetëm nga vendi i 9-të.
Hamilton nuk shkoi dot më shumë se vendi i katërt gjatë provave zyrtare mbajtur ditën e shtunë pas Raikkonen dhe Bottas ndërsa penaliteti me pesë pozicione për ndërrimin e kambios u shty edhe më poshtë në renditje.
Ylli i kualifikimeve padyshim ishte piloti i Toro-Rosso Honda Pierre Gasly i cili u rëndit i gjashti pas Daniel Ricciardo.
Performanca e tij vetëm sa sikletosi më tej McLaren-in pilotët e të cilit u renditën në vendin e 13 dhe 14.
Gjatë gjithë fundjavës u pa se Ferrari kishte avantazh ndaj Mercedes. Të shtunën ky avantazh u shkurtua por Vettel ishte 0.166 më i shpejtë se Bottas.
Pas Gasly erdhën Haasi i Magnussen, Niko Hulkenberg, Esteban Ocon me Force India, Carlos Sainz, Hartley dhe Perez.
Ajo që nuk pritej ishte kalimi i dy makinave Toro-Rosso përpara McLaren me motorin Honda që i shkaktoi aq dhimbje ekipit përgjatë tre sezoneve.
Vitin e kaluar McLaren dhe Toro-Rosso shkëmbyen motorët, sakaq e sotmja lë ekipin Britanik plot dyshime për potencialin e makinës që kanë në zotërim.
Megjithatë Williams ka edhe më shumë probleme. Sirotkin dhe Stroll u rënditën në vendin e 18 dhe 20 respektivisht, një rezultat katastrofik për një ekip që rënditej i treti në kampionatin e 2015-ës.
Për tu harruar ishte performanca e Verstappen i cili përplasi makinën e tij në bordurat anësore dhe do të nisë garën nga vendi i 15-të. /Auto Ekspress
