E60 BMW M5 është padyshim seria më e kërkuar në historinë e M5, kryesisht për shkak të asaj që mban nën lëkurë.
U prezantua në vitin 2005 me një motor gjigant, me aspirim natyral 5.0-litër S85 V10 nën kofanon e saj.
Ishte sedani i parë i prodhuar me motor benzine V10, gjë që e bëri atë sedanin më të shpejtë në botë.
Megjithatë, fundi i E60 M5 është i paevitueshëm. Po bëhen gati 10 vite që BMW ka ndaluar prodhimin e sedanit të fuqishëm. Por si mund të krahasojmë një E60 M5 me Bimmersat e tjerë të sotëm?
CarWow vendos E60 M5 përballë M140i dhe 840d në një garë të drejtë. Por përse pikërisht këto makina?
Ajo që dimë është të dyja makinat M140i dhe 840d janë shumë të afta falë ndihmës së turbove.
Le të përmendim disa shifra
M240i është një hatchback me tre dyer. Ajo nxjerr outputin impresiv prej 335 kuaj fuqi dhe 500-nm fuqi rrotulluese nga motori 3/0-litër me gjashtë cilindra në një vijë.
Me madhësinë e trupit të kësaj makine, është e qartë që është më e lehta nga të trija. Ndryshe nga hatchback të tjera, fuqinë e transmeton në gomat e pasme.
840d në anën tjetër, është një coupe i fuqizuar me naftë. Motori 3.0-litër me gjashtë cilindra në një vijë prodhon 315 kuaj fuqi dhe 680-nm fuqi rrotulluese, të dërguara në të katër rrotat e makinës.
Sigurisht që makina hero është E60 BMW M5. Me motorin V10 që prodhon 500 kuaj fuqi dhe 520-nm fuqi rrotulluese, makina e dërgon këtë fuqi në aksin e pasmë përmes kamios me shtatë shpejtësi SMG II.
Me tërë këto shifra që përmendëm, cila prej të trejave mendoni ju se do të fitojë garën e drejtë prej 40 km?
M5 e vjetër ka një avantazh në termat e fuqisë. Por 840d ka fuqinë rrotulluese më të madhe dhe sistemin all-wheel-drive. Prandaj mund ta merrni me mend që coupe do të performojë shkëlqyeshëm në fillim të garës. /Auto Ekspress
