Mercedes-AMG prezantoi modelet e reja AMG GT të 2020-ës në Shfaqjen e Makinave në Los Angeles.
Ato vinë me përditësime të në dizajn të jashtëm dhe të brendshëm si dhe avancime në teknologji dhe performancë.
2020 Mercedes-AMG GT do të jetë i disponueshëm në këto variante: GT, GT C, GT R dhe GT R Pro.
Makina mbetet sportive me dy dyer ndërsa në pjesën ballore është shtuar një grilë Panamericana. Fenerët gjithashtu janë ripunuar dhe marrë nga AMG GT me katër dyer.
AMG GT C është aq identik me paraardhësin saqë i vetmi ndryshim është marmita. Ndryshimet më të prekshme janë në tapiceri.
Fillimisht Mercedes ka integruar një ekran të ri infotainment 12.3-inç i cili do të jetë standard. Timoni gjithashtu është ribërë dhe ka dy butonë të ndjeshëm me të cilët mund të kryhen disa komanda.
Ekrani në kroskot është 10.-3inç LCD.
Edhe pse modeli i 2020-ës është një përditësim i vogël, ai nuk është i kufizuar vetëm në aspektin kozmetik. Performanca e 2020 Mercedes AMG GT është përmirësuar me një teknologji të re AMG Dynamic Stability Control (DCS).
Ky sistem menaxhon katër modalitete të ndryshme drejtimi: Basic, Advanced, Pro dhe Master. Modeli bazik kontrollon rrëshqitjet është në stilin komfort, modaliteti Advanced të jep një makinë më sportive ndërsa modaliteti Master bën më të mirën për të mos i ndërhyrë drejtuesit dhe lënë çdo gjë në dorë duke fikur asistimin elektronik.
GT R Pro është modeli më sportiv dhe vjen me amortizim ndryshe nga modelet standarde, frena prej qeramike dhe me shasi e cili përmirëson më tutje aerodinamikën dhe këtë e dëshmojnë pjesët prej karboni në parakolp dhe prapakolp.
2020 Mercedes GT ruan motorin 4.0-litër twin-turbo dhe është i modifikuar në sipas modeleve që ofron kjo linjë.
Ky motor prodhon 462 kuaj fuqi për modelin standard GT Coupe dhe 542 kuaj fuqi për GTC C dhe Roadster. Modelet GT R dhe GT R Pro kanë të njëjtin motor gjithashtu por me 570 kuaj fuqi. /Auto Ekspress
