Audi ka vendosur motorin më të fundit mild-hibrid turbo V6 nafte në modelin S4 Avant, pas lançimit të Audi S5, Audi S6 dhe Audi S7 Sportback, të cilët kanë të njëjtin motor.
Njësoj si pjesa tjetër e rangut me emërtimin S, motori 3.0-litër prodhon 342 kuaj fuqi dhe 700 Nm fuqi rrotulluese. Fuqia shkon në të katër rrotat e makinës përmes transmetimit automatik me tetë marshe.
Lajme të Ngjashme
Njësoj si makinat e tjera me këtë motor, Audi S4 Avant arrin një shpejtësi maksimale të kontrolluar në mënyrë elektronike prej 250 km/h. Ndërsa shpejtësinë 100 km/h S4 e arrin për 4.9 sekonda.
Motori ka një turbo të madhe, e drejtuar nga gazrat e shkarkuara dhe nga një kompresor i vogël elektrik.
Kompresori aktivizohet automatikisht kur ngarkesa e kërkuar e motorit tejkalon aftësitë e turbos. Audi pretendon se sistemi redukton intervalin kohor të turbos.
Për të përmirësuar ekonominë e karburantit dhe emetimet, S4 Avant ka sistemin mild-hibrid që përmban një starter me alternator 48-volt, një sistem të rikuperimit të energjisë dhe një paketë baterie 0.5kWh litium-jon.
Shifrat e ekonomisë së karburantit janë 6.3l/100km. Ndërsa emetimet janë 164-165g/km të dioksidit të karbonit. /Auto Ekspress
