Në fillim të këtij viti, Mercedes-Benz regjistroi në Zyrën e Patentave dhe Markave modelet GLS 600, GLS 680 dhe S680 që besohet se janë rezervuar për Mercedes-Maybach.
Tani, gati dy muaj më vonë, prodhuesi gjerman ka një tjetër paketë intriguese emrash që janë të mundshëm për tu përdorur në të ardhmen ose në konceptet e modeleve.
Aplikimet për Zyrën Europiane të Pronësisë përfshijnë O 120, O 140, O 180 dhe O 200. Këto emra mund të përdoren për makina dhe SUV, si dhe kamionë dhe furgona.
Daimler aktualisht përdor emrat me O për autobusët e qyteteve. Autobusi i fundit i Mercedes quhet O530, por regjistrimi i emrave O me numra më të vegjël nuk ka sens për tregun e autobusëve. Gjithashtu emrat e rinj ndajnë shkronjën O nga numrat.
Gjithashtu aplikimi i patentës së re ndjek konventën e emërtimit të markës për automjetet e vogla të pasagjerëve, me një numër tre-shifror që tregon madhësinë dhe/ose fuqinë e motorit.
Megjithatë emërtimi mund të përdoret nga ana e Mercedes për një koncept makine. Ndoshta ne nuk do të shohim kurrë një linjë makine me emrin O. /Auto Ekspress
