Ndërkohë që e ardhmja e industrisë së makinave shpaloset, makina elektrike do të jenë një pjesë e madhe e saj.
Rritja e makinave elektrike në dekadën e ardhshme do të jetë marramendëse.
Dhe edhe pse nuk ka gjasa që energjia elektrike të zëvendësojë plotësisht motorët me djegie të brendshme, ndryshimi i paradigmës do të çojë në modele krejtësisht të reja dhe metoda të reja prodhimi.
Mercedes-Benz i frikohet kësaj, prandaj kompania mëmë e prodhuesit, Daimler AG po përgatitet të mirëpresë shefin e ri ekzekutiv Ola Kallenius, një veprim balancimi ndërmjet shkurtimit të kostove dhe rritjes së makinave elektrike është pjesë e pikëpamjes së tij.
Në një fjalim të mbajtur në Auto Shanghai, mes të tjerave Kallenius tha se po përpiqej të grumbullonte 6.75 miliard dollarë kursime në vitin 2021, e cila mund të duket si e ardhme e largët por është vetëm dy vite larg.
Por një gjë që kompania nuk dëshiron të bëjë është të tkurrë portofolin e saj të modeleve.
Në fakt, në bazë të raportit, numri i modeleve Mercedes do të rritej si pasojë e zmadhimit të linjës së modeleve tërësisht elektrike EQ.
Ka rreth 40 modele dhe submodele Mercedes. Por duket se Källenius beson se shpërndarja e gjerë e arkitekturave dhe komponentëve do të lejojë prodhuesit e automjeteve t’u ofrojë blerësve më shumë zgjedhje, duke i mbajtur kostot e ulëta.
Elektrifikimi është ende mjaft i shtrenjtë. Përdorimi i energjisë elektrike në makina do të thotë dizenjime të reja, teknologji të re, dhe procese të reja që janë specifike për makinat elektrike. /Auto Ekspress
