Mercedes-Benz GLE plug-in hibrid do të mund të përshkojë 100 km me një karikim të vetëm, tha Ola Kallenius, kryetati i grupit të kërkimit dhe zhvillimit të Daimler.
GLE do të prezantohet në gjysmën e dytë të vitit të ardhshëm.
Shumica e makinave hibride plug-in kanë një motor me 4 cilindra me benzinë, por Kallenius është shprehur se do të ketë edhe versionin me naftë.
Ka pasur disa dyshime në lidhje me distancën që mund të përshkojë makina me një karikim. Prandaj nuk mund të jemi 100% të sigurt në lidhje me GLE duke u bazuar vetëm në një testim.
Mercedes kohët e fundit ka prezantuar SUV-in tërësisht elektrik EQC. Në fillim u raportua që EQC do të mund të përshkojë 322 km me një rimbushje, por më pas Mercedes e korrigjoi duke thënë se do të mund të kryejë distanca marramendëse prej 450 km.
Pavarësisht diferencave nga testime të ndryshme, 100 km përsëri është një rezultat i kënaqshëm. /Auto Ekspress
