Mercedes-AMG G63 i 2019-ës është një bishë e vërtetë.
Është e aftë të arrijë shpejtësinë 100 km/h për vetëm katër sekonda, dhe është një nga makinat off-road më të mira në treg sot.
Çmimi fillestar i kësaj makine është shpallur tashmë, dhe është 147,500$ duke përjashtuar tarifën e transportit.
Duke vendosur këtë në perspektivë, versioni G më i fuqishëm është 2,050$ më i lirë se Mercedes AMG S63, që kushton 149,550$.
Të dy modelet kanë motor AMG 4.0-litërsh V8 twin-turbo që prodhon 577 kuaj fuqi.
Modeli G63 ka të gjithë karakteristikat e teknologjisë që Mercedes ofron sot. Këtu përfshihet transmetimi automatik me nëntë nivele shpejtësie, drejtimi i automjetit në gjendjen Sport- Ride Control, ekran 12.3 inç për sistemin e informacionit.
Për më tepër, sistemi dinamik AMG ofron pesë gjendje drejtimi, dhe tre gjendje ekstra off-road: Sand (rërë), Rock (rrugë me shkëmbinj), dhe Trail (rrugë me baltë).
Versioni më i fuqishëm G që mund të blini është G550 që përdor të njëjtin motor V8, por që kushton “vetëm” 124,500$. /Auto Ekspress
