Uroni mirëseardhjen Volvo S60-ës të re. Me këtë model, Volvo i jep lamtumirën lidhjes së fundit që kishte me Ford, modeli aktual S60 i cili është në shitje që prej 2010-ës.
Sedani i 2019-ës do të prodhohet në fabrikat Amerikane në Karolinën e Jugut. Është Volvo-ja e parë që prodhohet në SHBA pas 63 vitesh.
Fabrika në SHBA do të prodhojë deri në 60,000 S60 në vit ku gjysma do të eksportohen.
Gjithashtu S60 do të jetë Volvo-ja e parë që nuk ofron një motor me naftë ndërsa standarde do të jenë dy motorë me benzinë dhe dy hibridë.
Modeli bazë T5 vjen me motor 2.0-litër turbo me katër cilindra dhe 250 kuaj fuqi. I dyti në radhë është T6 turbo me 316 kuaj fuqi.
Versioni hibrid i T6 ofron 340 kuaj fuqi dhe të gjitha rrotat aktive ndërsa motori më i fuqishëm është T8 me 400 kuaj fuqi.
Po dizajni? Presim një kombinim i më të mirës së V60-ës dhe S90-ës. Merr shtyllën B të V60-ës me dritat në formë C-je të S90-ës.
Hapësira brenda makinës është shtuar jo vetëm për njerëzit por edhe bagazhet.
Dizajni i brendshëm të kujton XC90-ën me teknologji të shtuara sigurie si frenimi automatik në rrugë qytetase dhe “Pilot Assist” për kthesa më të qëndrueshme.
Çmimet variojnë nga 35,800 dollarë në 40,300 dollarë dhe 54,500 dollarë për tre modelet. /Auto Ekspress
