Pas katër vitesh që nga njoftimi zyrtar, BMW X7 është këtu për të shtuar një SUV të madh premium me tre rreshta ndenjësesh në linjën e markës gjermane.
X7 është një version i ekzagjeruar i stilit të SUV-ëve të BMW, që krijon një formë më madhështore se modelet e tjera.
Lajme të Ngjashme
Përpara ka një grilë, e cila bie në sy menjëherë. Fenerët e vegjël zënë pjesën e sipërme të fytyrës së automjetit.
Dizajnerët e kanë bërë derën e pasme më të madhe se sa ato përpara për një akses më të lehtë të pasagjerëve në ndenjëset e rreshtit të dytë dhe të tretë.
Modeli BMW X7 xDrive40i ka një motor turbocharged 3.0 litërsh inline 6 me 335 kuaj fuqi, që e lejon makinën të arrijë shpejtësinë 96 km/h në 5.8 sekonda.
Makina ka një transmetim automatik me tetë nivele shpejtësie, si dhe sistemin e drejtimit me të gjitha gomat aktive.
Në Europë do të ketë dy versione me naftë. Modeli 30d do të ketë një motor 3.0 litërsh inline 6 me 261 kuaj fuqi. Ndërsa modeli 50d do të ketë motorin e çmendur të BMW quad-turbo 3.0 litërsh me 395 kuaj fuqi.
Në pjesën e brendshme, X7 ka shumë hapësirë dhe është luksoz. Ka dy ekrane 31 cm, si dhe shumë funksione të tjera.
Makina ka tre panele me xhama në tavanin që lejon hyrjen e dritës natyrale.
Të gjithë elementet e makinës hapen dhe mbyllen elektronikisht. X7 ka teknologjinë e fundit të drejtimit, që përfshin lajmërimin për këmbësorët, asistentin e parkimit, asistentin e menaxhimit të trafikut, e shumë të tjera.
Porositë kanë filluar për modelin më të fundit e të bujshëm BMW X7. /Auto Ekspress
