Shume makina e humbasin më tepër se gjysmën e vlerës së tyre pas pesë vitesh. Ndërsa të tjera e humbasin vlerën me një ritëm më të shpejtë.
Këto të dhëna janë grumbulluar prej më shumë se 3.6 milion makinave të shitura në 2013-ën, dhe më shumë se 750,000 makinave të përdorura të atij viti që janë tregtuar mes muajve Janar-Shtator 2018.
Le të njihemi me 10 makina të cilat e humbasin vlerën e tyre pas pesë viteve përdorim.
- Chevrolet Impala (66.2%)
Nuk habitemi kur e shohim Chevy Impala në këtë listë. Impala pësoi një redizajnim në 2014-ën që uli kërkesën për modelin e 2013-ës.
- Jaguar XJL (66.4%)
Jaguar XJL është një makinë e bukur, është e mirë për tu drejtuar, por si gjithë makinat luksoze, amortizohet shumë shpejt.
Makinat luksoze amortizohen më shpejt. Ndërkohë që e humbasin vlerën, çmimi i këtyre makinave nuk ulet mjaftueshëm për të tërhequr blerës të cilët ngurrojnë të paguajnë.
- Mercedes-Benz E-Class (67.2%)
Njësoj si Jaguar që sapo pamë, Mercedes-Benz E-Class është një makinë shumë e mirë. Por njësoj si Jaguar, ishte e shtrenjtë kur ishte e re, dhe mbetet e shtrenjtë për tu mirëmbajtur.
Por E-Class nuk është makina më e keqe e klasit të saj, apo automjeti më i keq i Mercedes-Benz përsa i përket amortizimit.
- BMW Serie 5 (67.3%)
Me një përqindje prej një të dhjetën më tepër se amortizimi i rivalit E-Class, është BMW Serie 5. Dhe kjo ka kuptim, pasi Serie 5 dhe E-Class janë rivalë të cilët konkurrojnë për të njëjtët blerës prej vitesh.
Njësoj si Benz, sedanët e nivelit mesatar të BMW e humbasin vlerën shumë shpejt.
- BMW Serie 6 (68.3%)
BMW Serie 6 është paksa e çuditshme që bën pjesë në makinat luksoze. Për vite është konsideruar coupe, ose një sedan me katër dyer që BMW e quan coupe, por në fakt nuk është.
Pavarësisht se është e vështirë të kategorizohet, BMW Serie 6 e humbet vlerën paksa më shpejt se paraardhësja BMW Serie 5.
- Ford Fusion Energi (69.4%)
Sedani me madhësi mesatare Ford Fusion i elektrifikuar është automjeti i parë eco-friendly në këtë listë, por nuk do të jetë i fundit.
- Mercedes-Benz S-Class (69.9%)
Mercedes-Benz S-Class është sedani i cili mban flamurin e prodhuesit gjerman të makinave.
Është i mbushur me teknologji, prandaj ishte shumë i shtrenjtë i ri. Sistemet e avancuara janë shumë të shtrenjta për tu rregulluar.
Por njësoj si E-Class që pamë më herët, S-Class nuk është automjeti që amortizohet më shpejt në këtë segment.
- BMW Serie 7 (71.1%)
Automjeti i parë që theu barrierën prej 70% amortizim pas pesë vitesh përdorim është sedani BMW Serie 7. Është interesante se si Serie 5 dhe 7 amortizojnë shumë pak më shpejt se rivalët e tyre nga Mercedes-Benz.
Mbeten vetëm dy automjete, dhe ato janë qafë më qafë në rënditje.
- Chevrolet Volt (71.2%)
Chevy Volt krijoi dallgë të mëdha në industrinë e makinave kur u prezantua në fillim. Është një makinë elektrike me motor me benzinë që është e aftë të karikojë baterinë ndërkohë që makina ecën.
Ishte një koncept revolucionar kur ishte e re, por tani që po vjetrohet, vlera i bie shumë shpejt.
- Nissan Leaf (71.7%)
Dështaku më i madh prej të gjithëve është… Nissan Leaf. Makina tërësisht elektrike mund të kryejë distanca prej 117 km me një karikim. Por po fillon të tregojë moshën e saj, dhe modele të reja mund të ofrojnë rang më të gjatë me një çmim më të arsyeshëm. /Auto Ekspress
