Shefi i dizajnit pranë Volvo Tomas Ingenlath konfirmoi se makina e parë plotësisht elektrike e markës Suedeze do të jetë XC40 ndjekur nga XC90.
Gjatë prezantimit të modelit të ri S60, Ingenlath tha se makina e parë elektrike pas makinës së dytë Polestar do të ndiqet nga një XC40 e cila do të prodhohet në SHBA.
Sipas tij në një të ardhme jo të largët, Volvo do të prodhojë vetëm versione elektrike të modeleve që ka në shitje në vend që të ndërtojë nga e para modele të reja siç bën Volkswagen me linjën ID.
Të dy modelet e para që do të elektrifikohen, XC40 dhe XC90, do të kenë bateri lithium-ion.
Vetë Volvo synon që deri më 2025-ën, gjysma e makinave të shitura nga marka të jenë plotësisht elektrike.
Prodhuesi Suedez prej disa vitesh është në pronësi të gjigandit Kinez Geely.
S60-ta e re afirmon strategjinë e elektrifikimit të Volvo. Ky model vjen pa një motor me naftë por me dy variante hibride me benzinë. Motori T8 twin-turbo prodhon 385 kuaj fuqi. /Auto Ekspress
