2020 Lincoln Aviator është automjeti i parë që ka një amortizim adaptiv, që skanon rrugën përpara në mënyrë që të përgatisë makinën. Është makina e parë Lincoln që përdor këtë teknologji të mençur për të maksimizuar komfortin në të gjitha sipërfaqet e rrugëve.
Javën e kaluar Audi ka lançuar teknologjinë e amortizimit parashikues në modelin A8. SUV-i luksoz i Ford gjithashtu përdor një sistem të ngjashëm.
Si funksionon amortizimi i Lincoln Aviator?
Ka një dozë me sensorë që monitorojnë gjithçka që nga lëvizja e trupit të mjetit deri tek ecja e tij, ndërkohë që njërin sy e mban tek ngadalësimi apo përshpejtimi i makinës.
Sensorët e avancuar mund të lexojnë parametrat 500 herë në sekonda dhe punojnë së bashku me një kamera të montuar në pjesën e përparme, që skanon sipërfaqen e rrugës në largësinë 15.2 metër përpara.
E njohur zyrtarisht si Adaptive Suspension with Road Preview (Amortizimi Adaptiv me Parashikimin e Rrugës), sistemi mund të njohë një varietet devijimesh në lartësitë 5.1 deri në 20.3 cm.
Sapo sistemi dikton një devijim në lartësi, si për shembull bumet e shpejtësisë, kompjuterët e mençur të SUV-it Lincoln Aviator para-rregullojnë amortizimin për të siguruar një vozitje sa më të butë të jetë e mundshme, edhe në sipërfaqe jo të sheshta.
Sensorët e integruar dhe kamera e përparme mund të punojnë së bashku për të mundësuar rregullimet automatike të amortizimit deri në 100 herë në sekondë.
Sensorët janë kaq të shpejtë, saqë ato rregullojnë amortizimin më shpejt se sa mbyllim dhe hapim sytë, ose thënë ndryshe ka 23,000 hyrje të të dhënave në sekondë.
Sistemi i teknologjisë së lartë është gjithashtu zbulon sa herë drejtuesi i mjetit është gati duke rënë në ndonjë gropë, dhe kur ndodh kjo, amortizuesi ngurtësohet automatikisht për të zvogëluar tronditjen.
Sistemi gjithashtu inkorporon me Aero Height, i cili maksimizon efikasitetin dhe performancën e mjetit në shpejtësi mbi 113 km/h, duke ulur lartësinë.
Linkoln Aviator do të dalë në shitje këtë verë me çmim fillestar 52,195$. /Auto Ekspress
