Nëse po kërkoni për një makinë luksoze full-size me 7 ndenjëse, Lexus LX 570 është një nga SUV-ët e paktë që mund t’ju përshtatet më mirë.
Do t’ju kushtojë të paktën 87,125$ duke përfshirë destinacionin. Por nëse dëshironi që makina juaj të jetë pak më e veçantë, dhe ndoshta më e shtrenjtë, ja se si është versioni Inspiration Series.
Ndryshe nga LC Inspiration Series, LX Inspiration Series ka ngjyrë të zezë. Ka goma 21 inç të zeza, me kapakë të zinj në qendër, dhe grilë të zezë të rrethuar nga krom i errët.
Tema e zezë vazhdon në çdo detaj të makinës, madje edhe në brendësi, përjashtuar ndenjëset me lëkurë të bardhë.
Modelet Inspiration Series LX kanë ndenjëse me ngrohje dhe me ventilatorë, sistemin e kontrollit të klimës të avancuar të Lexus, një paketë argëtimi për ndenjëset e pasme, sistem zëri premium, si dhe karikues wireless.
Dritat ‘LX’ kompletojnë paketën, në rast se jeni i shqetësuar që dikush nuk e di cilin Lexus po drejtoni.
Lexus po planifikon të ndërtojë 500 shembuj nga LX Inspiration Series, secila me çmim 101,715$ përfshirë destinacionin. /Auto Ekspress
