Audi ka një version të prodhimit të konceptit të E-Tron Sportback që do të dalë më vonë këtë vit, dhe do të zgjerojë linjën e makinave elektrike të markës.
Tashmë prototipet e kësaj makine dalin në rrugë për testime. Më poshtë paraqiten imazhet që tregojnë pamjen e crossoverit.
Lajme të Ngjashme
E-Tron Sportback vjen me një dizajn që i jep pjesës së pasme të çatisë një siluetë të shtrirë. Kjo ka kufizuar hapësirën për pasagjerët e ndenjëseve të pasme, dhe zvogëlon hapësirën e ngarkesës.
Sportback me shumë mundësi do të jetë identik nga ana mekanike me E-Tron ekzistues. Ofron një motor elektrik në pjesën e përparme dhe në pjesën e pasme prodhon një maksimum prej 402 kuaj fuqi në modalitetin S, ose 355 kuaj fuqi në modalitetin normal D.
Me një bateri 95-kWh, makina ofron një rang prej 330 km të vlerësuar nga EPA.
SUV-i arrin shpejtësinë 96 km/h për 5.7 sekonda, dhe ka një shpejtësi të limituar në mënyrë elektronike prej 200 km/h.
Në formën koncept, E-Tron Sportback prodhoi 430 kuaj fuqi gjatë vozitjes normale ose 496 kuaj fuqi në modalitetin më të shpejtë.
Sipas thashethemeve, Audi po zhvillon një motor elektrik më të fuqishëm. Prandaj mundësitë janë që variante më të fuqishëm ti bashkohen kësaj linje më vonë.
Në pjesën e brendshme, Sportback do të jetë gjithashtu i ngjashëm me modelin ekzistues. Ajo ofron një çift me ekrane me prekje në qendër.
Pasi E-Tron Sportback ti bashkohet linjës, një automjet elektrik grand tourer me pesë dyer do të mbërrijë. Një super-makinë elektrike do të vijë gjithashtu. /Auto Ekspress
