Me konceptin më të fundit të një makine me sistem vetëdrejtimi, Volvo tregon se është gati të sfidojë industrinë e linjave ajorore.
Pa një timon, koncepti 360c mund të akomodojë në brendësi një tryezë kafeje, një tryezë pune e madje edhe një krevat.
Volvo thotë se koncepti mund të përshkojë deri në 320 km me baterinë e karikuar.
Makina është dizajnuar për të transportuar qytetarët në aeroporte ku në Evropë zakonisht do të merrnin trenin për këtë qëllim.
Volvo thotë se ende nuk dihet çfarë do të sjellë e ardhmja autonome, por koncepti 360c është hapi i parë drejt rikonceptimit të udhëtimeve, planifikimit, kujdesit ndaj mjedisit e ndërveprimit social.
“Kur vëllezërit Wright fluturuan në qiej për herë të parë në 1903, ata nuk ja kishin idenë sesi udhëtimi modern me avion do të ngjante,” tha kompania.
Dizajni i brendshëm është edhe pika e fortë e Volvo. Me në fokus sigurinë, koncepti përfshin airbag që mbrojnë pasagjerët edhe kur janë në gjumë. /Auto Ekspress
