Kompania Kineze Geely e cila ka në pronësi firmën Suedeze të prodhimit të makinave Volvo në bashkëpunim me Mercedes do të investojnë 388 milionë dollarë secili për të ndërtuar makina premium, inteligjente dhe elektrike nën markën “Smart”.
Bashkëpunimi ka marrë aprovimin e autoriteteve Kineze. Ashtu si Mercedes-Benz, Smart është një markë e Daimler AG.
Makinat do të prodhohen në Kinë dhe shitjet të realizohen në Kinë dhe Gjermani thanë prodhuesit. Geely do të merret me pjesën inxhinierike të tyre ndërsa Mercedes me stilimin dhe pamjen.
Geely bleu Volvo në 2010-ën nga firma Amerikane Ford. Në 2018-ën rriti pjesën e aksioneve në Daimler në 9.7%.
Lajmi për bashkëpunimin mes Geely dhe Mercedes vjen një muaj pasi BMW dhe Great Wall Motor Co në Kinë nisën një partneritet për të prodhuar makina elektrike me markën “Mini” në Kinë, tregun më të madh në botë të makinave elektrike. /Auto Ekspress
