Në qytetin Kinez të Jinan, gjendet një pjesë autostrade përmes së cilës udhëtojnë të paktën 45,000 makina çdo ditë.
Një kompani e quajtur Qilu Transportation Development Group ka konvertuar afro 2/3 rrugës në një “panel diellor” i cili gjeneron energji sa për të furnizuar 800 shtëpia.
Kompania nuk do të ndalet këtu sepse shpreson ta shndërrojë në një rrugë inteligjente. E thënë ndryshe ajo do të ofrojë informacion rreth trafikut, harta dhe madje të karikojë bateritë e makinave elektrike që kalojnë mbi të me teknologjinë wireless.
Dy korsitë e rrugës janë shtruar me materiale transparente dhe qeliza diellore. Në shtresën e parë mund të akomodohen përcjellës dhe sensorë që mund të monitorojnë temperaturën, trafikun, peshën dhe të karikojnë makinat.
Megjithatë makinat që karikohen me teknologjinë wireless në rrugë ende nuk kanë hyrë në prodhim. Kina është shtëpia e gjysmës së makinave elektrike që qarkullojnë në mbarë botën. /Auto Ekspress
