Volvo tha se do të rrisë prodhimin e XC40-ës e cila ka marrë mese 80,000 porosi vetëm pak muaj nga debutimi.
SUV-i i vogël i dizajnuar për të rivalizuar Audi Q3, BMW X1 dhe Mercedes-Benz GLA, është një prej makinave më të shitura në Britani me 2,000 porosi çdo muaj.
Prodhimi në fabrikat e Volvo në Belgjikë dhe Kinë do të rriten ndjeshëm në gjashtë mujorin e parë të 2019-ës.
Nisur nga suksesi që po njeh XC40, Volvo lajmëroi implementimin e Arkitekturës Kompakte Modulare të SUV-it edhe për modelin V40.
Gjithashtu vitin e ardhshëm Volvo sjell hatchback-un e parë elektrik ndërsa një variant elektrik i XC40-ës është në planet e kompanisë.
Një tjetër lajm i bujshëm ishte se S60 nuk do të ketë motorë me naftë. Suksesi i XC40-ës në segmentin e saj është një surprizë në një hapësirë të dominuar prej vitesh nga Audi, Volkswagen, Mercedes dhe BMW. /Auto Ekspress
