Hyundai dhe Kia janë prodhuesit e fundit të makinave që shpallin planet e tyre për të ofruar çati me panele diellore në makinat e tyre.
Firmat koreane thanë ditën e mërkurë se çatitë me panele diellore, do të fillojnë të prodhohen në 2019-ën, pa përmendur tregje apo automjete specifike.
Hyundai dhe Kia thanë se çatitë me panele diellore do të përdoren për të karikuar bateritë e makinave dhe do të vendosen në makinat hibride, plotësisht elektrike, madje edhe në makinat me motor me djegie të brendshme.
Tek këto të fundit, energjia e gjeneruar do të përdoret për funksionimin e ajrit të kondicionuar, apo tek ngrohja e ndenjëseve, për të ruajtur sadopak energjinë dhe për të përmirësuar efiçencën e përgjithshme.
Ka tre sisteme në zhvillim. E para është çatia diellore e bazuar në silikon, që do t’i vendoset makinave hibride, dhe do të karikojë makinën 30 deri 60% për një ditë, varësisht nga drita e diellit.
Një dizajn më i avancuar me në pamje të tejdukshme do të vendoset tek makinat me motor me djegie të brendshme.
Panelet diellore gjysmë-transparente do të aplikohen në çatitë panoramike, që e lejon çatinë të gjenerojë energji, dhe njëkohësisht lejon dritën e diellit të futet në kabinë.
Dhe e fundit, Hyundai dhe Kia do të prezantojnë panele diellore që absorbojnë dritën e lehtë të diellit, që mund të përdoren për kapakun e makinës. /Auto Eskpress
