Pas disa përditësimeve që ndihmojnë përdoruesit të planifikojnë udhëtimet dhe eventet e tyre, Google Maps po ndihmon tani drejtuesit e makinave elektrike të gjejnë në hartë stacione për karikimin e makinave.
Falë këtij përditësimit, përdoruesit do të mund të kërkojnë stacione për karikimin e makinave elektrike, dhe të marrin gjithë informacionin e nevojshëm mbi këto stacione.
Vetëm kërkoni ‘EV charging stations’ ose ‘EV charging’, dhe Google Maps do të lokalizojë stacionet më të afërta.
Gjithashtu do të tregojë se çfarë lloj porte ka në dispozicion stacioni, sa ka në dispozicion, si dhe shpejtësinë e karikimit. Sigurisht do të mund të shihni edhe mendimet dhe përshtypjet e konsumatorëve të tjerë rreth stacionit. /Auto Ekspress
