Gjenerata e tetë e Volkswagen Golf po përgatitet të vijë në formën GTI. Por sa fuqi do të ketë?
Sipas disa thashethemeve, makina do të ketë mbi 300 kuaj fuqi.
Thashethemet tregojnë gjithashtu për formën e GTI-së së re. Prodhuesi i makinave ka bërë një punë të admirueshme duke i mbajtur makinat testuese larg syrit të publikut, por sipas spekulimeve, makina do të ketë grilë të ngushtë pak a shumë si modeli aktual.
Pjesa e pasme mendohet se nuk do të pësojë ndryshime të mëdha.
Për sa i përket pjesës së brendshme, gjenerata e ardhshme e VW Golf do të ketë sistemin e informacionit më të fundit.
Për t’ju rikthyer fuqisë së automjetit, 300 kuaj fuqi është një rritje e dukshme nga 228 kuaj fuqi të modelit aktual.
Pritet që modeli GTI i ri të zbulohet më vonë këtë vit si model i 2020-ës. /Auto Ekspress
