Fotot e reja të BMW i4 të re në rrugë, tregojnë jo vetëm pamjen e jashtme por edhe interiorin e makinës.
Marka gjermane synon të zgjerojë linjën e makinave elektrike në vitet në vazhdim. Prodhimi i këtij sedani fillon në vitin 2021.
Pamja e jashtme e makinës elektrike i4 është e ngjashme me atë të Serie 4 Gran Coupe, megjithatë nuk janë identike.
Duke gjykuar nga këto imazhe, sedani elektrik ka një hundë ndryshe, por ruan çatinë e shtrirë.
Interiori makinës së kamufluar ka planin aktual të BMW, që kombinon panelin e instrumenteve digjitale dhe ofrimin e informacionit ngjitur me të.
Këto ekrane nuk janë funksionale në makinën e kamufluar që shihni në foto, por një ekran ndihmës kryen të gjitha punët.
BMW i4 është ndërtuar mbi platformën lehtësisht të adaptueshme CLAR.
Makina do të jetë e disponueshme me dy paketa baterish 60 ose 80-kWh. Gjithashtu blerësit kanë mundësi të zgjedhin mes dy variantesh me motorë. Njëri variant do të ketë një motor në aksin e pasmë, varianti tjetër ka dy motorë që transmetojnë fuqinë në të katër gomat.
Disa variante të i4 do të jenë të aftë të arrijnë shpejtësinë 100 km/h për katër sekonda.
Rangu elektrik i makinës i vlerësuar sipas EPA do të jetë rreth 483 km me një karikim elektrik.
iX3 është një tjetër makinë elektrike që do të mbërrijë në 2020-ën, e cila vjen si variant i crossoverit të markës, me ndryshime shumë të lehta në dizajn.
Ndërkohë, SUV-i iNext do të prezantojë në 2021 platformën e re modulare të prodhuesit të automjeteve, dhe do të ketë Nivelin 3 të Autonomisë. /Auto Ekspress
