90% e shpërndarjes së kapitalit të Ford Motor Company shkon për kamionët, u shpreh nënkryetari i grupit në prezantimin e tij të kamionëve komercialë të vitit 2020.
Kamionët heavy-duty po marrin pjesën më të madhe të vëmendjes së Ford. Si pjesë e kësaj, kamionët Super Duty kanë pësuar disa përditësime për tre vite me radhë.
Ford Super Duty tani do të ketë kamion automatike me dhjetë marshe në vend të asaj me gjashtë marshe. Makina do të vijë në versionet me motorin Power Stroke me naftë ose motor V8 me benzinë që do të zëvendësojë V10 e vjetër.
Motori V8 për të gjithë modelet e Ford Super Duty që nga F-150 tek F-750, është 7.3 litërsh, dhe është më i fuqishëm se motori i vjetër V10 6.8 litërsh. Ford Super Duty do të ketë 362 kuaj fuqi.
Power Stroke me naftë 6.7 litërsh do të ketë sistemin e injektimit të karburantit, dhe një turbocharger të ri më të madh. Cilindrat e motorit janë përditësuar gjithashtu.
Rreth 2/3 e konsumatorëve të Super Duty zgjedhin opsionin e motorit me naftë, dhe pritet që këto statistika të mos ndryshojnë.
Kamionët vijnë standard me modemin 4G, grilën dhe parakolpin e ri-dizajnuar, dizajn të ri të fenerëve. Blerësit do të mund të zgjedhin shtatë dizajne të reja të gomave.
Karakteristikat e sigurisë përfshijnë ndihmësin për ruajtjen e korsisë, sistemin për paralajmërimin për vendet e vështira dhe ndihmësin para përplasjes.
Ford sot për sot zotëron 44% të tregut të kamionëve komercialë dhe furgonëve. /Auto Ekspress
