BMW prezantoi ditën e Premte një model të ri të familjes X5, XDrive45e iPerformance Plug-in Hibrid.
Motori hibrid me benzinë ka një kapacitet prej 3.0-litër turbo me gjashtë cilindra mbështetur nga një motor elektrik 82KW dhe fuqi prej 394 kuaj fuqi.
Prodhuesi Gjerman thotë se makina konsumon 1.7 litra për 100 kilometër ndërsa sasia e emetimeve është 50 g/km CO2.
Makina mund të përshkojë deri në 80 kilometër vetëm me motorin elektrik dhe shpejtësia maksimale që mund të arrijë është 136 km/h.
Sa i përket performancës makina mbulon 0-100 km/h në 5.6 sekonda, thuajse 1 sekondë më shpejt sesa X5 hibride e vjetër.
Shpejtësia maksimale e makinës është 234 km/h.
Motori me benzinë dhe elektromotori dërgojnë fuqinë tek rrotat përmes një kambio automatike me tetë marshe Steptronic dhe sistemit 4×4 xDrive. /Auto Ekspress
