Ky është edicioni SVAutobiography i Range Rover Velar. Me disa ndryshime në pjesën e brendshme dhe në shasinë, makina ka motorin 5.0 litërsh supercharged V8. Range Rover Velar do të jetë e disponueshme për blerje pas një viti me çmim 112,316$.
Motori 5.0 litërsh V8, i marrë nga Jaguar F-Type SVR, prodhon 542 kuaj fuqi. Është i lidhur me kamion auto me tetë marshe dhe sistemin e drejtimit me të gjitha gomat aktive. Velar arrin shpejtësinë 0-100 km/h për 4.3 sekonda dhe ka shpejtësi maksimale 274 km/h.
Shasia dhe fuqia e Velar kanë arritur një nivel tjetër. Sistemi all-wheel-drive do të jetë i aftë të drejtojë 100% të fuqisë së motorit në gomat e pasme nëse është e nevojshme.
Ndryshimet në pamjen e jashtme përfshijnë grilën e re, linja anësore, simbol ekskluziv si dhe prapakolp të ri.
Gjithashtu edhe parakolpi do të jetë i ri-dizajnuar me thithës ajri më të mëdha. Thithëset e ajrit do të ushqejnë motorin supercharger dhe freskojnë frenat e Range Rover Velar.
Blerësit do të kenë mundësi të zgjedhin dy lloje setesh të gomave, gomat 21 inç të lehta, ose gomat me prerje diamanti 22 inç.
Jaguar Land Rover ka bërë të mundur që Velar SVAutobiography të vijë në ngjyrën blu metalike. Të gjitha variantet kanë çatinë e zezë standarde.
Brenda makina ka timonin sportiv, dhe disa karakteristika të reja të ekraneve dhe sistemit të informacionit. Ndenjëset me ngrohje dhe freskim ofrojnë një masazh të përshtatshëm në 20 mënyra, të cilat do të jenë pjesë e paketës ekstra. /Auto Ekspress
