Bugatti prezantoi super makinën e saj të tretë e ndërtuar për pistat më të vështira në botë.
Divo u prezantua për herë të parë në fillim të vitit ndërsa ditën e djeshme prodhuesi i super makinës prezantoi zyrtarisht për publikun.
Makina ka motor të njëjtë me modelin Chiron, W16 me 1,500 kuaj fuqi. Por me një reduktim të peshës, shasi të re, amortizim të përmirësuar dhe aerodinamikë brilante, Divo fluturon nëpër kthesa.
Një xhiro në pistën Nardo është përmirësuar me 8 sekonda krahasuar me Chiron.
Megjithatë modeli i ri nuk do të ketë luksin e shpejtësisë maksimale prej 418 km/h të Chiron por vetëm 380 km/h.
Makina kushton 5.8 milion dollarë dhe vetëm 40 modele do të shiten në mbarë botën. /PCWorld Albanian
