Ndërsa M2 Competition është në qendër të diskutimeve mes komunitetit dhe fansave të BMW, kompania zbuloi javën e kaluar sistemin e ri operativ.
Për momentin kemi vetëm një pamje të plotë të kroskotit të ri të makinës të cilën do e shohim në versionet e ardhshme dhe ka Sistemin Operativ 7.0.
Me shumë gjasa ky ekran do të implementohet tek modelet e shtrenjta si Seritë 7, Seritë 8 dhe X7.
Tashmë sistemi i ri iDrive tregon hartat e navigimit krahas informacioneve të tjera që drejtuesi i përzgjedh manualisht për të shfaqur në ekranin e kroskotit.
BMW thotë se kroskoti tashmë duket sikur të jetë një me ekranin, dhe një qasje të ngjashme ka ndërmarrë edhe Mercedes-Benz.
Ekrani qëndror gjithashtu është përditësuar dhe sjellje një eksperiencë më të mirë operimi dhe prekje si dhe përmban deri në 10 menu të konfigurueshme.
Struktura e thjeshtë e menusë e bën më të lehtë për përdoruesin të gjejë atë çfarë dëshiron në moment.
Ekrani i ri i kroskotit u prezantua në Ditën Dixhitale 2018 gjatë së cilës BMW foli edhe për standardizimin dhe implementimin e 5G-së. /Auto Ekspress
