BMW M mund të ketë humbur disa prej fansave në kohën kur makinat e para me gomat frontale aktive mbërritën në treg pak vite më parë. Por bavarezët akoma kanë një portofol të mbizotëruar nga makinat me gomat e pasme aktive (RWD).
Një tjetër model ka humbur konfigurimin RWD për të shkuar drejt AWD (të gjitha gomat aktive), bëhet fjalë për M5. Por konfigurimi xDrive akoma ofron gjendjen e drejtimit RWD për ata të cilët e dëshirojnë diçka të tillë.
Çfarë shkruhet në të ardhmen e BMW? Anëtari i bordit të BMW M, Markus Flasch ndau disa detaje mbi axhendën e kompanisë.
M3 do të ketë një “version me gomat e pasme aktive”, dhe do të ofrojë edhe transmetim manual. Përdorimi i fjalës “version” indikon që disa variante të M3 janë në punim e sipër, ku raportimet sugjerojnë se do të ketë edhe një version xDrive gjithashtu.
Një M3 Competition më tërheqës konfirmohet se do të jetë i ngjashëm me M5 si dhe X3 M dhe X4 M të lançuar së fundmi.
Kreu i AMG-së, Tobias Moers njoftoi kohët e fundit një vdekje graduale të makinave me rrotat e pasme aktive në divizionin e makinave të shpejta Mercedes, pasi të gjithë makinat e performancës të lindura në Affalterbach do të kenë një konfigurim 4Matic.
Flasch i sheh gjërat ndryshe, dhe argumenton se vozitja me rrotat e pasme aktive është ende e rëndësishme, të paktën për disa segmente të tregut.
Gjatë të njëjtës intervistë, Flasch shpalli planet për modelet e reja CS, i cili nuk ka përse të jetë coupe. Me fjalë të tjera, mos u habitni nëse një ditë do të vijë një M3 CS ose madje edhe një SUV që mban një emërtim të tillë.
Një hap tutje është kthimi i mundshëm i CSL (Coupe Sport Leichtbau), i përshkruar nga Flasch si “karakteri më i pastër M që mund të arrini në një makinë”. Nuk u dhanë emra modelesh, por nëse CSL vërtet do të kthehet një ditë, M2 është kandidati kryesor për të përfituar këtë trajtim.
Gjithashtu, versionet M të Serie 1 dhe X2 përjashtohen si mundësi. Flasch gjithashtu u shpreh se vendosja e një motori M tek një makinë sportive si Z4 është diçka e vështirë. /Auto Ekspress
