BMW ka shpallur se do të fillojë në Nëntor prodhimin e BMW i3 të vitit 2019 me një bateri e cila përballon distanca deri në 250 km.
Do të jetë hera e dyte që prodhuesi i makinave BMW përmirëson baterinë e i3 që nga hedhja në treg e makinave elektrike në 2014.
Bateria e i3 tashmë do të ketë një kapacitet 42.2 kilowat, bateri e cila do të jetë standarte për makinat e tjera të kësaj serie.
Dimensionet e baterisë mbeten të njëjta: bateria përbëhet nga tetë module, secila me dymbëdhjetë qeliza.
Motori elektrik në pjesën e pasme do të ketë 170 kuaj fuqi për modelin standarte, ndërsa për modelin sportiv i3s 181 kuaj fuqi.
Kjo do të rezultojë në 0-97 km/h për 7.2 sekonda për modelin standart dhe 6.8 sekonda për modelin i3s.
BMW i3 do të jetë në dispozicion në një ngjyrë të re: bezhë metalike Jucaro me refleks gri si dhe një opsion të ri tapicerie.
Përveç kësaj, janë në dispozicion për herë të parë hotspot Wi-Fi me kapacitet deri në 10 pajisje, dhe një ngarkues wireless për pajisjet mobile.
Çmimi i makinës do të bëhet i ditur më vonë. /Auto Ekspress
