Audi RS5 Sportback më në fund është i disponueshëm për blerësit në Europë.
RS5 Sportback është një rrjedhim i RS5 Coupe. Të dyja makinat kanë të njëjtin drivetrain, që sillet rreth një motori 2.9 litër TFSI me dy turbina dhe me tuba shkarkimi më të mëdha që keni parë ndonjëherë në një V6.
Lajme të Ngjashme
Prodhon 450 kuaj fuqi, dhe i duhen 3.9 sekonda për të arritur shpejtësinë 100 km/h. Shpejtësia maksimale mund të arrijë deri në 280 km/h. Këto shifra janë njësoj me RS5 Coupe dhe pak më të larta se RS4.
Pesha e makinës nuk është deklaruar, por sipas informacioneve thuhet se është 1,795 kg, vetëm 35 kg më shumë se RS5 Coupe. Në këmbim të kësaj peshe më të madhe, ju merrni një makinë më të gjatë dhe trup më të madh me 480 litër kapacitet ngarkese.
Dallimi ndërmjet versioneve Coupe dhe Sportback, sigurisht është numri i dyerve. Sportback vjen me katër dyer, që e bëjnë të duket më bukur.
Teknikisht RS5 Sportback reprezanton një makinë unike mes rivalëve gjermanë të Audi. BMW ka konfirmuar që nuk do të ketë një M4 Gran Coupe. Ndërsa Mercedes i mungon një i ngjashëm me stilin me katër dyer.
Me siguri prisni që Audi të kërkojë më tepër para për versionin Sportback. Por… gaboheni. Të dyja makinat kanë të njëjtin çmim, 82,700 euro.
Por sigurisht që do të ketë opsione ekstra me kosto ekstra. Për shembull, modeli në foto vjen në opsionin me ngjyrën jeshile që kushton 900 euro. Opsione të tjera përmendim rrotat 20 inç me dy ngjyra që kushtojnë 2,300 euro, si dhe pjesët e brendshme të makinës me karbon.
Mes opsioneve të çmendura janë edhe frenat qeramikë karbon për 5,000 euro dhe paketa RS Dynamic 6,000 euro e cila përfshin zhurmëmbytës dinamik dhe dritat e pasme matrix. Me siguri do të donit këtë të fundit. /Auto Ekspress
