Verën që shkoi, Audi përditësoi modelin A4 me dizajn dhe pajisje të reja, por marka po planifikon disa përditësime të reja për modelin kompakt të 2019-ës.
Me modelin BMW Serie 3 që do të mbërrijë së shpejti, si dhe Mercedes C-Class, A4 që ka qenë në shitje që nga viti 2015, ka krijuar përshtypjen që është një model i vjetër mes modelesh të reja që po lançohen çdo ditë.
Lajme të Ngjashme
Kjo është arsyeja pse marka ka planifikuar të investojë 630 milion dollar së bashku me aplikimin e disa ndryshimeve të konsiderueshme.
Siç mund të shohim nga fotot, dizajni i jashtëm i modeli A4 është përditësuar, duke ju përshtatur modeleve më të reja dhe më të mëdha A6 dhe A8.
Pritet që dizajni i ri të përfshijë gomat, fenerët dhe madhësinë e makinës.
Megjithatë, ndryshime pritet të ketë edhe në dizajnin e brendshëm të makinës. Kabina do të ketë platformë të njëjtë me modelin A6, dhe do të përdorë të njëjtën teknologji.
A4 do të konkurrojë modelet C-Class dhe Serie 3 për sa i përket teknologjisë së brendshme. Makina gjithashtu do të ketë teknologjinë e fundit të asistentit digjital të zërit gjithashtu.
Ndryshime të tjera përfshijnë shasinë, për t’i dhënë makinës dinamizmin e duhur.
Megjithatë ajo çfarë planifikon Audi në lidhje me fuqinë e makinës, mbetet ende për tu verifikuar, pasi nuk e dimë se si marka do të përshtasë makinën me teknologjinë e elektrifikimit.
Duke qenë se Audi planifikon të sjellë versionet e elektrifikuara të secilit model deri në 2025-ën, pritet që A4 të vijë në versionin plug-in deri sa gjenerata e rradhës e modelit të mbërrijë. /Auto Ekspress
