Zakonisht prodhuesit e makinave zgjedhin të prodhojnë disa modele të caktuara në vendet me kërkesë të lartë për modelet specifike. Në këtë artikull kemi përfshirë 20 modele makinash të prodhuara në vende ku nuk e prisnit.
Jeep Renegade – Itali
A e dinit se modeli origjinal i Jeep është përdorur për pushtimin e Italisë? Sot modeli bazë i Jeep Renegade ndërtohet krahas Fiat 500X në Itali.
Porsche Cayenne – Sllovaki
Gjenerata e kaluar e Cayenne ndërtohej pjesësisht në fabrikat e grupit Volkswagen në Bratislavë përpara se të dërgohej në Leipzig të Gjermanisë për të përfunduar punën. Gjenerata e re do të ndërtohet plotësisht në Sllovaki.
Ford EcoSport – Indi
Crossover-i më i vogël i Ford prodhohet në Indi dhe është makina e parë e shitur në SHBA që prodhohet në vendi e dytë me popullsinë më të lartë në botë.
Cadillac CT6 Hybrid – Kinë
Ndërsa CT6 me benzinë prodhohet në Detroit, modeli plug-in hybrid prodhohet në Kinë.
Toyota C-HR – Turqi
Shumicën e makinave të shitura në SHBA Toyota i prodhon po në SHBA. Por edhe në Japoni. Surpriza e vërtetë është prodhimi i makinave Toyota në Turqi siç është modeli C-HR.
Audi Q3 – Spanjë
Marka Spanjolle e grupit Volkswagen, Seat, ka një fabrikë prodhimi në Martorell të Spanjës ku prodhon disa modele e një prej tyre është Q3.
Jaguar E-Pace dhe I-Pace – Austri
Nganjëherë kompanitë shfrytëzojnë të gjitha kapacitetet prodhuese të tyre duke u detyruar të drejtohen nga palë të treta siç është rasti i kompanisë Magna Steyr në Austri. Kjo fabrikë prodhon modelet Jaguar E-Pace dhe I-Pace.
Mini Countryman – Holandë
Përveç Spyker çfarë makine tjetër prodhohet në Holandë? Përgjigja është Mini Countryman sepse Mini nuk ka një fabrikë prodhimi në Britani.
Mitsubishi Mirage – Tajlandë
Prodhimi i makinave është një prej industrive më të përhapura në Azinë Juglindore.
Ford Transit Connect – Spanjë
Modeli origjinal është ndërtuar në Turqi. Tashmë është zhvendosur në Spanjë.
Toyota Yaris – Francë
Toyota zakonisht nuk prodhon modele makinash në vend që nuk shiten. Në tregun Evropian, Yaris ka rezultat sukse si vërtetë dhe për këtë është zgjedhur Franca.
Mercedes-Benz CLA – Hungari
CLA-Class prodhohet në Kecskemet të Hungarisë së bashku me B-Class dhe CLA-Shooting Brake.
Infinity QX30 – Britani
QX30 mund të vijë nga një kompani Japoneze po nën lëkurë fshihet gjak Gjerman. Megjithatë prodhohet në Sunderland të Anglisë së bashku me modelet Nissan.
Dogde Challenger – Kanada
Një prej makinave më ekzotike me motor V8 e cila nxjerr tym nga gomat dhe jo nga marmitat është Dogde Challenger.
Së bashku me Hellcat, Demon, Charger dhe Chrysler 300 prodhohen në Kanada.
Audi Q8 – Sllovaki
Ashtu si Q7, Q8 prodhohet në Bratislavë. Porsche Cayenne gjithashtu.
Buick Envision – Kinë
Envision ishte një prej makinave të para të shitura në Amerikë në masë dhe prodhuar në Kinë. Ishte dizajnuar për tregun Kinez por gjeti hapësirë edhe në SHBA.
Buick Cascada – Poloni
Buick-ët vinë nga çdo cep i botës. Envision në Kinë, Encore në Korenë e Jugut, Regal në Gjermani dhe tashmë Cascada në Poloni. LaCrosse dhe Enclave prodhohen në SHBA.
Honda Civic Hatchback – Britani
Honda Civic coupe dhe sedan prodhohen ose në Indiana të SHBA-së ose në Kanada. Por çdo hatchback prodhohet në Angli kjo për shkak të popullaritetit të lartë në Evropë.
Mercedes-Benz GLC – Finlandë
Kërkesa globale për GLC-Class është e lartë dhe Mercedes kishte nevojë për një fabrikë prodhimi përtej Gjermanisë.
Si rezultat GLC-ja juaj mund të vijë nga Finlanda.
BMW X5M de X6M – SHBA
Gjithnjë modelet X5 janë prodhuar në Karolinën e Jugut në SHBA ndërsa SUV-ët e Mercedes në Alabama. /Auto Ekspress
